Deputeti i Partisë Demokratike, Belind Këlliçi, deklaroi në News24 se zgjedhjet e pjesshme për Bashkinë e Tiranës pritet të shpallen pas 45 ditësh nga Presidenti i Republikës, duke nënkuptuar se kryebashkiaku Erion Veliaj nuk do të ankimojë në Gjykatën Kushtetuese vendimin e shkarkimit.
Sipas Këlliçit, kjo lidhet me një marrëveshje politike mes kryeministrit Edi Rama dhe Erion Veliajt.
“Nëse zgjedhjet bëhen brenda 45 ditëve, pas dekretimit politik nga Presidenti, në gjykimin tim është arritur një marrëveshje mes Ramës dhe Veliajt që ai të mos e ankimojë vendimin e shkarkimit dhe të dalë në arrest shtëpie.
Nga burime informale e kam këtë informacion, nuk e konfirmoj dot, por ka një thashethemnajë që s’e çon në Kushtetuese,” u shpreh Këlliçi.
Ai shtoi se edhe vendimi i Këshillit Bashkiak, i noterizuar me vendim qeverie, është pjesë e këtij procesi.
