Shkarkimi i Erion Veliajt nga detyra e kryebashkiakut të Tiranës pritet të finalizohet sot. Këshilli i Ministrave do të mblidhet në orën 12:00 për të marrë vendimin përfundimtar, një ditë pasi Prefekti i Tiranës përcolli zyrtarisht shkresën e Këshillit Bashkiak, i cili e miratoi propozimin me 50 vota pro.
Veliaj e ka kundërshtuar procedurën dhe pritet të shqyrtojë mundësinë e ankimit në Gjykatën Kushtetuese. Nëse ky hap ndërmerret brenda 15 ditësh, vendimi i qeverisë do të pezullohej dhe procesi i zgjedhjeve në kryeqytet do të bllokohej.
Veliaj ndodhet në burg që prej 10 shkurtit, ndërsa SPAK e ka dërguar në gjyq me 13 akuza, 9 prej të cilave për korrupsion. Ai ka drejtuar Bashkinë e Tiranës për gati 10 vite, që nga viti 2015.
