Policia e Fierit ka vënë në pranga një 38-vjeçar nga Patosi, pasi u përfshi në një aksident rrugor ndërsa drejtonte mjetin nën efektin e alkoolit.
Ngjarja ndodhi në fshatin Kuqar, ku motomjeti që drejtonte shtetasi M.Sh., në gjendje të dehur, u përplas me një automjet tjetër.
Për pasojë, vetë drejtuesi i motomjetit mbeti i lënduar dhe aktualisht ndodhet nën kujdesin e mjekëve.
“Specialistët e Sektorit të Qarkullimit Rrugor arrestuan në flagrancë shtetasit:-M. Sh., 38 vjeç, banues në Patos, pasi në fshatin Kuqar, motomjeti që drejtonte në gjendje të dehur, është përplasur me një automjet. Si pasojë u dëmtua 38-vjeçari, i cili është në kujdesin e mjekëve“, thuhet në njoftimin e policisë.
