Anëtar i Këshillit Bashkiak nga radhët e PD, Genci Gjokutaj, u shpreh në mbledhjen e sotme ku po diskutohet për shkarkimin e Erion Veliajt, se ky vendim nuk bazohet në arsyet ligjore të mungesës së tij, pasi Veliaj është i arrestuar dhe i akuzuar për një vepër penale, që nuk ndikon në mandatin e tij.
Gjokutaj fton që përgjegjësinë ta marrë kryeministri dhe të lejojë që çështja të zgjidhet në Gjykatën Kushtetuese, duke e konsideruar këtë një rast unik në historinë e politikës lokale.
“Jemi njohur me projekt vendimin, objekt i kësaj mbledhjeje dhe dua të sjell në vëmendjen tuaj, pavarësisht se unë që në fillim e deklaroj që të votojmë pro propozimit, por nga pikëpamja ligjore nuk është pika C e nenit 62, pasi zoti Veliaj nuk mungon për shkak të vullnetit të tij. Ai mungon sepse është i arrestuar dhe i akuzuar për një vepër penale, gjë që nuk e afekton mandatin e tij.
Por interesi publik na e kërkon që ne ta bëjmë këtë oportunitet sepse është pjesë e kauzës tonë. Ta bëjmë këtë oportunitet dhe t’ia lëmë kryeministrit, arkitektit të gjithë kësaj parade sot, më përpara dhe më mbrapa që ta zgjidhë siç e di ai, sipas ligjit dhe zoti Veliaj të shfrytëzojë të drejtën e tij siç e ka thënë e ka me gjykatën atë betejë, se ka as me Këshillin Bashkiak e as me kryetarin e partisë.
Le ta zgjidhë me Gjykatën Kushtetuese dhe të shohim shkaqet të cilat ai do të përdorë, sepse është rast unikal dhe i pari që një kryetar ndodhet në këto kushte.”
