Mediat italiane kanë zbuluar rolin e shqiptarit 33 vjeçar i cili u përfshi në vrasjen e 62 vjeçarit italian me origjinë turke, i cili rezulonte se ishte kunati i i bosit të mafias turke, i vrarë në Crotone më 31 janar 2005.
Shkaku nuk kishte të bënte me ndonjë aktivitet kriminal të mafias turke, por një video.
Hetuesit kanë rindërtuar të gjithë skemën e vrasjes së Hayati Aroyos, 62-vjeçarit italo-turk, i gjetur i karbonizuar më 23 korrik 2025 në një apartament në ‘Sesto San Giovanni’, në provincën e Milanos. Viktima u identifikua disa ditë më pas falë gjurmëve të gishtave dhe bashkëpunimit të autoritetit gjyqësor turk.
Video intime
Sipas hetuesve autorët kishin frikë se viktima do të shpërndante një video intime. Policia, nën koordinimin e prokurorisë së Monzës, arrestuan tre persona: një burrë 38 vjeç dhe një grua 36 vjeçe (çift bashkëshortësh) dhe 33 vjeçarin shqiptar. Ata akuzohen për vrasje të rëndë, grabitje të rëndë, zjarrvënie dhe shkatërrim të kufomës.
Nga hetimet ka rezultuar se viktima ishte goditur me 30 thika. Më pas, autorët kanë tentuar të shkatërronin provat duke i vënë zjarrin trupit të pajetë dhe apartamentit ku ndodhi krimi.
Motivi?
Ata kishin frikë se Aroyo do të publikonte një video intime.
Autorët, banonin në të njëjtën zonë Busto Arsizio. Policia ka ndërtuar skemën e vrasjes dhe rolin e secilit në krim përmes analizës së kamerave të sigurisë, tabulateve telefonike dhe përgjimeve.
Të dyshuarit kanë deklaruar se 62 vjeçari zotëronte një video ku gruaja 36-vjeçare shfaqej në skena intime, dhe ekzistonte frika se ai mund ta publikonte. Megjithatë hetuesit ende nuk e kanë gjetur videon.
Me viktimën ishte caktuar një takim. Gruaja kishte hyrë në banesën e viktimës dhe kishte lënë derën hapur për shqiptarin i cili pasi ishte future në apartament kishte goditur viktimën gati 30 herë me thikë.
Ndërkohë burri i gruas qëndronte jashtë banesës dhe bënte roje.
Më pas trupi i pajetë i Aroyos ishte vendosur mbi shtrat dhe ishte spërkatur me zbardhues (klor) dhe kufomës i ishte vënë flaka që ishte përhapur më pas në të gjithë apartamentin.
Nga rindërtimi i ngjarjes ka rezultuar se gruaja, së bashku me persona të tjerë, kishte tentuar të përdorte kartat e kreditit të viktimës në disa salla bastesh dhe ambiente të tjera publike. Nga këtu ka nisur edhe pista e parë hetimore për agjentët e Policisë Kriminale të Milanos.
Nga apartamenti ku qëndronte Aroyo, tre autorët kishin marrë para, karta pagese, një tablet dhe një telefon celular, duke dyshuar se në pajisjet elektronike mund të ndodhej videoja intime.
Vrasja e ftohtë
Në telefonin e të riut me origjinë shqiptare, i sekuestruar nga agjentët e Policisë Kriminale në një tjetër operacion, u gjetën mesazhe të dërguara nga gruaja, ku ajo komentonte vrasjen duke thënë se nuk kishte pasur “as ndjesinë më të vogël”.
“Kisha frikë se mos ndjeja mëshirë, por jo. E shikoja vetëm për të kuptuar nëse do të ndjeja diçka, por asgjë,” shkruante 36-vjeçarja. Kjo bisedë është tashmë pjesë e dosjes hetimore.
Dy burrat janë dërguar në burgun e Busto Arsizio, ndërsa gruaja në burgun e Milanos, në pritje që masa e arrestit të konfirmohet nga gjykatësi i hetimeve paraprake./Il fatto quotidiano/
