Sekretariati për Procedurat, Votimet dhe Etikën ka vendosur të përjashtojë për 10 ditë nga seancat plenare dy deputetët e Partisë Demokratike, Gazment Bardhin dhe Fidel Krekën.
Vendimi ka sjellë reagimin e menjëhershëm të kreut të PD-së, Sali Berisha, i cili gjatë një konference për shtyp paralajmëroi se opozita do të kundërpërgjigjet me të gjitha format ndaj qeverisë dhe shumicës parlamentare.
“Opozita e ka shumë të qartë se me këtë qeveri, e cila ka shndërruar procesin zgjedhor në një farsë elektorale, nuk ka më rrugë tjetër përveç luftës frontale. Ne do të veprojmë me të gjitha format, brenda dhe jashtë parlamentit, dhe do t’i përgjigjemi ‘dhëmb për dhëmb’ kësaj përpjekjeje për të shtypur pluralizmin në Shqipëri,” tha Berisha.
