Policia italiane arrestoi një 34-vjeçar në Terni, i akuzuar për përfshirje në rrjetin e shpërndarjes së drogës në qytet.
Oficerët vunë re një mjet “Lancia Ypsilon” me ngjyrë blu, që bënte lëvizje të dyshimta. Pasi e ndoqën me kujdes, ata panë një grua të cilës po i jepte një pako celofani një burrë në sediljen e pasagjerit. Gruaja, një 47-vjeçare nga Terni, u ndalua nga oficerët dhe i dorëzoi dozën me 0.5 gram kokainë të kishte blerë.
Megjithatë, makina u ndalua më tej përgjatë “Via Rosselli”. Shoferi, një 34-vjeçar shqiptar, u kontrollua. Oficerët gjetën një pako çamçakëzi që përmbante dy pako të tjera kokaine dhe 150 euro cash.
Kontrolli u zgjerua më pas në dhomën e hotelit ku ndodhej 34-vjeçari. Brenda, ata gjetën një peshore precize, gjashtë doza kokaine me një peshë totale prej 3.3 gramësh dhe 450 euro para në dorë. Ai u arrestua dhe u mbajt në qelitë e paraburgimit të Shtabit të Policisë së Ternit, informon media italiane.
Gjykatësi i Gjykatës së Ternit, pasi e vlerësoi arrestimin, lëshoi një urdhër dëbimi tre-vjeçar kundër tij.
