Janë zbardhur detaje të reja nga ngjarja e rëndë e regjistruar në Këlcyrë, ku një vajzë 16-vjeçare dyshohet se është abuzuar seksualisht nga njerku i saj, shtetasi P. B., 55 vjeç, banues në Këlcyrë, efektiv i komisariatit të policisë Përmet, si dhe kolegu i tij, shtetasi shtetasi A. A., 53 vjeç, banues në Këlcyrë, punonjës i komisariatit të çolicisë Tepelenë.
Rasti u zbulua pasi i dashuri i 16-vjeçares, shtetasi K. P., 46 vjeç dhe shoku i tij, shtetasi I. P., 27 vjeç, të dy banues në Këlcyrë, dyshohet se kanë kanosur 55-vjeçarin, që t’iu jepte 10 milionë lekë të vjetra, për të mos i publikuar video me përmbajtje intime.
Ashtu siç e konfirmon edhe Prokuroria e Gjirokastrës, hetimet për rastin në fjalë kanë nisur pas publikimit të një informacioni në një faqe lokale lajmesh, se dispononte një video ku dallohej një punonjës policie gjatë një bisede me një shtetase të mitur, gjatë së cilës kryente veprime me natyre seksuale.
Policia, pas verifikimeve të menjëhershme, identifikoi njërin nga efektivët e përmendur në publikim, A. A., oficer i patrullës së përgjithshme në Tepelenë. Mësohet se ai është marrë në pyetje, telefoni i tij ësht sekuestruar, por më pas është lënë i lirë, çka i dha mundësinë të arratisej drejt Greqisë, duke i shmangur autoriteteve shqiptare hetimin e mëtejshëm.
Ndërkohë, sipas organit të akuzës, ka qenë i dashuri i 16-vjeçares, shtetasi K.P. alias E.P. 46 vjeç, së bashku me shokun e tij, shtetasin I.P. 26 vjeç, ata që e kanë shantazhuar dhe detyruar të miturën që të regjistrojë videon intime me efektivin e Policisë, shtetasin A.A.
Video është realizuar në muajin Gusht dhe më pas, mësohet se ata i kanë bërë shantazh efektivit, duke i kërkuar fillimisht 12 milionë lekë dhe më pas e kanë ulur çmimin në 10 milionë lekë që mos ta bënin publike. Burime bëjnë me dije se më shumë se një muaj më parë, efektivi A.A. është përpjekur ta “mbyllë” historinë përmes kontakteve me familjen e të dashurit të vajzës, por pas publikimit skandali doli në dritë.
“Gjatë veprimeve hetimore paraprake, ka rezultuar se shtetasit I.P., 26 vjeç dhe K.P. alias E.P. 46 vjeç, në bashkëpunim midis tyre, kanë ushtruar presion ndaj një shtetaseje të mitur, duke e kërcënuar këtë shtetase dhe detyruar të zhvillonte një video regjistrim në muajin Gusht 2025, me shtetasin A.A. punonjës policie, ku shfaqej ky shtetas në momente intime.
Këta dy shtetas në vijim, duke përdorur dhe shtetasen e mitur, kanë kanosur punonjësin e policisë, për publikimin e videos në një emision investigativ dhe i kanë kërkuar këtij shtetasi një shumë prej 12 000 Euro për mospublikimin e videos. Gjatë kryerjes së veprimeve hetimore u konstatua dhe një rast tjetër ngacmimi seksual ndaj një shtetaseje të mitur, me të dyshuar një tjetër punonjës policie.” – thuhet në njoftimin e Prokurorisë.
Aktualisht, në pranga janë vënë njerku i të miturës (P.B.), i dashuri i saj (K.P.) dhe shoku i këtij të fundit (I.P.), ndërsa efektivi A.A. është shpallur në kërkim. Sipas autoriteve policore, aktualisht ai ndodhet në Greqi, i cili është arratisur ditën e djeshme.
