Kryedemokrati Sali Berisha e ka cilësuar kryetarin e ri të Parlamentit, Niko Peleshin, si njeriun që solli në vend tonelata të tëra me pesticide, duke helmuar jo vetëm Shqipërinë, por edhe Ballkanin, gjatë kohës që ishte ministër i Bujqësisë.
Teksa nënvizoi se Peleshi duhet të ishte para përgjegjësisë penale, ai u shpërblye nga PS dhe kryeministri Edi Rama si kryetar i Kuvendit.
Madje theksoi se Peleshi është i përfshirë edhe në skandalin e termocentralit të Maliqit, për të cilin tha se disponohen dokumente.
“Niko Peleshi është Rragami i Spirobajrit, i transferuar te Suel Çela. Aferat e Peleshit për termocentralin në Maliq janë të gjitha të hapura. Ai është ministri i Bujqësisë që është akuzuar se ka krijuar fermat e tij. Janë dokumentet, duhet të ishte atje ku e meriton.
Solli pesticid me tonelata, të shkallës më helmuese, me të cilët helmoi të gjithë Ballkanin, importi i të cilave ishte i ndaluar me ligjin shqiptar dhe europian. Peleshi ka mbrojtjen e plotë të Ramës dhe mercenar Dumanit. Dhe tani vendoset si figura e dytë e shtetit. Natyrisht ka figurë të parë që firmos Diellën ën mënyrë antikushtetuese, pas atij është vendosja e atij në atë vend”, tha kreu i selisë blu.
Berisha gjithashtu sulmoi edhe ministrin e Mbojtjes, Pirro Vengu, duke u shprehur se në kohën kur drejtonte Portin e Durrësit, ishte i lidhur me kartelin e Troplinëve, duke ua vendosur nën kontroll territorin. Madje edhe më pas firmën që hodhi për t’i dhënë portin sheikut arab Al Alabar.
“Gjatë detyrës së tij të portit të Durrësit si drejtor u shndërrua në një pronësi të fortë të kartelit të fuqishëm të Durrësit, të kartelit Troplini. Të gjitha veprimet atje bëheshin me urdhër të këtij karteli dhe të gjitha gjatë kohës që ishte ky drejtor. Famozi që firmosi që porti i Durrësit të asgjësohej. T’i kalojë materialisht Al Alabarit”, tha Berisha.
