Katër persona janë arrestuar nga Policia e Vlorës për vepra të ndryshme penale, ndërsa tre të tjerë janë nën hetim. Rastet përfshijnë ndërtim pa leje, shkelje të urdhrave të mbrojtjes, kërcënim me mjet prerës, vjedhje dhe aksidente rrugore.
Personat e arrestuar
A.N., 45 vjeç, banues në Tiranë, u arrestua pasi në fshatin Vuno kishte ndërtuar një shtëpi druri dhe kishte vendosur katër kontejnerë pa lejen e organeve kompetente.
G.Ll., 31 vjeç, banues në Vlorë, u arrestua për shkelje të urdhrin të mbrojtjes dhe kërcënim me thikë ndaj babait të tij.
V.G., 64 vjeç, banues në Fier, u ndalua pasi drejtonte automjetin në gjendje të dehur.
Një person tjetër është arrestuar për aksident rrugor, ku përplasi dy makina të parkuara dhe plagosi një pasagjere, e cila u transportua për trajtim të specializuar në Tiranë.
Personat nën hetim
M. K., 72 vjeç, banues në fshatin Zvërnec, dyshohet për vjedhje të një shume parash nga arka e kishës lokale.
I. B., 63 vjeç dhe J. H., 49 vjeç, banues në Dhërmi, janë proceduar penalisht pasi dyshohet se kanë prerë pemë frutore dhe ullinj në pronën e shtetasit P. M.
