Kryeministri Edi Rama ka prezantuar “Diellën”, një ministre virtuale e krijuar nga Inteligjenca Artificiale, e cila sipas qeverisë synon të luftojë korrupsionin në prokurimet publike. Rama pret që ky projekt të sjellë më shumë transparencë, edhe pse sfida mbetet e madhe, duke marrë parasysh që as ministrat tradicionalë nuk kanë arritur ta eliminojnë korrupsionin.
Emisioni investigativ italian “Report” i RAI ka rikthyer në vëmendje lidhjet e politikës shqiptare me kartelet e drogës dhe ndikimin e mafies në ekonominë e vendit.
Në një postim në Instagram, “Report” e përshkruan Shqipërinë si “vatër korrupsioni” dhe citon raportet e Transparency International dhe Komisionit Evropian për përhapjen e korrupsionit dhe kufizimet e sistemit gjyqësor në trajtimin e këtyre rasteve.
“Gjatë ‘Fushatës Shqiptare’, mblodhëm prova për ndërhyrjen e organizatave mafioze në politikën dhe ekonominë shqiptare, të cilat arrijnë deri në nivelet më të larta të qeverisjes. Shqipëria është gjithashtu një vatër biznesi për politikanët dhe ish-politikanët italianë”, shkruan media italiane.
View this post on Instagram
