Në mesin e një vere me temperatura ekstreme, kur termometri i kapërceu 40 gradë, kryeministri ndërmori një aksion të paprecedentë për lirimin e hapësirave publike në qytetet kryesore të vendit.
Dhe siç ishte e pritshme, vëmendja kryesore për zbatimin e këtij urdhëri kryeministror u përqendrua në Tiranë, aty ku prej vitesh shkelja e ligjit bëhej në bashkëpunim mes zaptuesve abuzivë të hapësirave publike dhe Drejtorisë së Taksave dhe Tarifave Vendore, e cila prej 9 vitesh u drejtua nga Arli Naska.
Për këtë, zotëria në fjalë, duke bashkëpunuar me inspektorët e tij kishin krijuar një skemë abusive që gjeneronte çdo muaj miliona lekë.
Në një audio-regjistrim të mbërritur në redaksinë e Piranjave, tregohet fare qartë skema abuzive që kanë përdorur inspektorët e bashkisë për përfitime vetjake në kurriz të taksave të qytetarëve.
Personi i regjistruar në këtë audio, teksa i rrëfen skemën abusive një zonje të panjohur, është Gerd Mihali, shef sektori pranë DPTTV për zonën 1.
Ai zvërthen me detaje një skemë të frikshme të një abuzimi të dyfishtë, së pari me shfrytëzimin e hapësirës publike të përdorur si pronë private dhe së dyti me taksimin minimal të subjekteve, në këmbim të zarfeve nën dorë, që ky grup kriminal merrte në këmbim të favoreve.
Ai thotë se duke qenë inspektor zone, të jep shumë avantazhe kur ti ngrihesh në detyrë sepse sipas tij, ti duke njohur një zonë të caktuar, s’ka rëndësi, qoftë Laprakë, Astir apo Tiranë e Re, i njëjti modalitet pune është.
Thjesht ndryshojnë fytyrat edhe s’ka ndonjë gjë. Bizneset po ato janë.
Në të vërtetë me qetësinë dhe me sigurinë që flet, e gjitha ngjan me një bisedë pune në të cilën sqarohen detyrat dhe objektivat.
Këtu kuptohet, nuk bëhet fjalë për të vjelur taksa përbashkinë, por për arkën paralele të këtij grupi kriminal.
Me mënyrën sesi ai e rrëfen, e kthen gjithçka në normale, aq sa thuajse e legjitimon vjedhjen që kanë kryer.
Gjithashtu ai shprehet se në këtë sektor dhe në këto përfitimi ka menduar dhe për gjendjen emocionale të punonjësve të tjerë duke mos ua kërkuar të gjitha fitimet e terrenit.
“Unë jua kam thënë ne mbledhje… O k***, unë nuk po ju kërkoj 50-shen, se di që ju duhet për naftë, do hani bukë, do pini kafe…. do q*** edhe p***…”.
/Piranjat
