Dy persona u vranë dhe dy të tjerë u plagosën në një ngjarje të rëndë në Shkodër, duke tronditur qytetin.
Gazetari Basir Çollaku, i ftuar në News24, deklaroi se rendi dhe siguria po goditen rëndë për shkak të bashkëpunimit të disa strukturave shtetërore me krimin e organizuar. Ai shtoi se bandat kriminale kontrollojnë jetën publike dhe ndikojnë në emërimet në polici dhe prokurori.
“I dyshuari për vrasjet ishte më parë i dënuar, por kishte përfituar lirim të parakohshëm, duke ngritur pikëpyetje mbi funksionimin e drejtësisë. Shkodra ka banda dhe grupe që kontrollojnë jetën publike, siguria dhe rendi po marrin goditje të vazhdueshme. Disa oficerë policie dhe prokurorë janë vendosur në pozita nga këto grupe,” tha Çollaku.
Ai theksoi se i dyshuari për ngjarjen ishte kapur më parë me armë zjarri dhe një “magazinë lufte”, ndërsa kishte përfituar dënim 5-vjeçar dhe 3 vite shërbim prove.
