Një dron i lëshuar nga Jemeni nga grupi militant Houthi, ka goditur aeroportin jugor të Izraelit, duke mbyllur hapësirën ajrore dhe duke ndaluar fluturimet, ka thënë ushtria izraelite.
Izraeli deklaron se Houthit lëshuan disa dronë, disa prej të cilëve u ndaluan jashtë Izraelit.
Të paktën një prej tyre goditi sallën e pasagjerëve të Aeroportit Ndërkombëtar Ramon pranë qytetit jugor izraelit të Eilat, sipas Autoritetit të Aeroporteve të Izraelit.
Në maj, një raketë Houthi goditi pranë aeroportit kryesor të Izraelit, duke plagosur lehtë katër persona dhe duke bërë që shumë linja ajrore të anulonin fluturimet e tyre për në Izrael për muaj të tërë. Izraeli më vonë goditi dhe shkatërroi aeroportin kryesor në kryeqytetin jemenas të Sanaa-s.
Një person është plagosur lehtë në aeroport si rezultat i sulmit, sipas shërbimeve të shpëtimit të Izraelit, Magen David Adom.
Sulmi i së dielës erdhi dy javë pasi një sulm izraelit në Sanaa, kryeqytetin e Jemenit të mbajtur nga rebelët, vrau kryeministrin e qeverisë Houthi, së bashku me shumë anëtarë të kabinetit të tij.
Kryeministri Ahmed al-Rahawi është zyrtari më i lartë i rebelëve Houthi të vrarë në fushatën izraelito-amerikane kundër rebelëve të mbështetur nga Irani.
