Edi Rama ka 12 vitesh në pushtet, por çdo ditë pranon dështimet e institucioneve të tij, duke “harruar” se përgjegjësi kryesor është ai.
Gjatë fjalës në prezantimin e Strategjisë për Zhvillimin e Sektorit të Turizmit, Rama pranoi dështimet e Inspektoriateve të Mbrojtjes së Territorit (IMT-ve) dhe policive bashkiake, ku sipas tij, duhen reformuar. Ai tha se këto dy institucione janë kthyer në vende qokash të tmerrshme.
“Gjithë kjo histori ndërtimesh dhe zhvillimesh pa leje sjell si nevojë një reformim të inspektoriateve, të policive, policitë bashkiake dhe IMT-të janë disfunksionale, duhet të reformohen. Duhet të kthehen në shërbime bashkiake, por me standard dhe me kritere që çertifikohen nga Akademia e Policisë apo nga universiteti, sepse janë bërë vende qokash të tmerrshme dhe është e paimagjinueshme dhe nuk do vazhdojnë më kështu”, tha Rama.
