Ngjarja tragjike në Greqi, ku 40-vjeçari shqiptar vrau me thikë bashkëshorten e tij Marjola Nakoleci, po zbardhet dita-ditës nga dëshmitë rrëqethëse të familjarëve. Vajza e çiftit, vetëm 18 vjeçe, ka treguar për mediat greke se ka qenë dëshmitare e çdo momenti, ndërsa i ati godiste për vdekje nënën e saj, përpara syve të saj dhe të vëllait 13-vjeçar.
Sipas saj, gjithçka nisi pas një grindjeje të zakonshme, ku nëna i kërkoi babait të ndahej prej saj. Por xhelozia e tepruar dhe dyshimet për tradhti, çuan në krimin e rëndë.
“U grindën sepse babai im ishte shumë xheloz. Ata janë grindur edhe më parë, por jo kështu. Kohët e fundit punonte normalisht, ishte i qetë. Nuk pinte, nuk bërtiste, por nisi të bëhej obsesiv nga xhelozia,” rrëfeu vajza.
E mitura shtoi se nëna e saj bërtiste “ndihmë, ndihmë” teksa përpiqej të shpëtonte, por 40-vjeçari e goditi me thikë, e tërhoqi nga flokët dhe e hodhi përtokë.
“Pashë gjithçka… edhe kur e goditi me thikë dhe kur e hodhi përtokë. Ishim unë dhe vëllai im 13 vjeç. Nëna ime i tha ‘më mirë të ndahemi’, dhe që aty gjithçka shpërtheu,” dëshmon vajza.
Intervista e vajzës 18-vjeçare për mediat greke:
Vajza: U grindën sepse babai im ishte shumë xheloz.
Nuk janë grindur më parë?
Vajza: Janë grindur por jo kështu. Ishim mirë. Kohët e fundit kishte filluar punën. Punonte normalisht, ishte normal. Nuk bërtiste, nuk pinte, asgjë nga këto. Thjesht filloi nga xhelozia dhe për këtë arsye e bëri.
Ishe aty?
Vajza: Po. Nëna ime bërtiste ‘ndihmë ndihmë’, ai veproi shpejt dhe iku. Pashë gjithçka, edhe kur ai e goditi me thikë dhe ajo po bërtiste, edhe kur e tërhoqi nga flokët dhe e hodhi përtokë. Ata ishin në dhomë, po bërtisnin. Nuk i kushtova shumë vëmendje, po flija.
Pastaj mami filloi të thoshte ‘Do të më vrasësh’? Pastaj filloi të vraponte. Ishim unë dhe vëllai im, ai është 13 vjeç. Nuk di çfarë të them. Ishte e papritur. Nuk di çfarë të mendoj. U grindën për këtë dhe mami i tha ‘më mirë të ndahemi’. Ai iku njëherë për dy ditë, nuk e nxorri jashtë mami, iku vetë dhe pastaj u kthye dy ditë më vonë dhe na thoshte më vjen keq, por ne e besuam. Nuk dua ta shoh më.
A kishte tentuar ndonjëherë vetëvrasjen?
Vajza: Po një herë, këtë vit në fakt. Për të njëjtën arsye.
A ja mori celularin mamit për të kontrolluar mesazhet?
Vajza: Po, po.
