Janë zbardhur detaje të reja nga vdekja e 59-vjeçarit mbrëmjen e djeshme në Bilisht, i cili ndërroi jetë pasi kishte shkuar për trajtim në një klinikë dentare.
Sipas raportimeve në media i ndjeri kishte shkuar në klinikë së bashku me dy djemtë, një kushëri dhe një të afërt tjetër të familjes. Pas kryerjes së një mbushjeje në dhëmballë, 59-vjeçari është ankuar disa herë për gjendjen shëndetësore, duke thënë: “S’jam mirë”.
Gjendja e tij është përkeqësuar shpejt dhe, sipas të dhënave paraprake, dyshohet se ka pësuar një infarkt fatal.
Aktualisht nuk është konstatuar ndonjë shkelje nga ana e mjekut stomatolog, por vetëm pas daljes së ekspertizës mjeko-ligjore do të përcaktohet përfundimisht shkaku i vdekjes.
Ndërkohë dentisti 36-vjeçar është marrë në pyetje nga policia e Devollit.
LEXO EDHE:
Bilisht/ 55-vjeçari humb jetën pas ndërhyrjes në klinikën dentare
Bilisht/ Shoqërohet në polici dentisti i klinikës ku humbi jetën 59-vjeçari
