Presidenti i SHBA-së, Donald Trump, ka paralajmëruar për zhvillime të rëndësishme lidhur me Rusinë përmes një postimi në rrjetin e tij social, Truth Social.
Komentet e tij vijnë një ditë pas takimit në Alaska me presidentin rus, Vladimir Putin, ku diskutuan mbi konfliktin në Ukrainë, dhe një ditë para takimit të planifikuar në Shtëpinë e Bardhë me presidentin ukrainas, Volodymyr Zelensky.
I dërguari i posaçëm i SHBA-së për Ukrainën, Steve Witkoff, ka deklaruar se Trump dhe Putin kanë arritur një marrëveshje që përfshin garanci sigurie për Ukrainën, si pjesë e një përpjekjeje më të gjerë për të ulur tensionet.
Takimi i nesërm mes Trump dhe Zelensky pritet të jetë vendimtar, ndërsa komuniteti ndërkombëtar ndjek me vëmendje hapat e ardhshëm.
