Janë publikuar pamjet e rënda nga momenti i vrasjes së trefishtë në Gjilan, ku tre persona humbën jetën dhe një tjetër mbeti i plagosur.
Në videon e shpërndarë nga mediat kosovare dëgjohen të shtëna të shumta armësh, ndërsa njerëzit që ndodheshin pranë vendngjarjes fillimisht nuk reagojnë, duke mos e kuptuar menjëherë situatën. Vetëm pas disa krismash, ata fillojnë të vrapojnë për t’u larguar nga rreziku.
Në pamje shihet gjithashtu një nga personat e plagosur që bie në tokë pa ndjenja. Ngjarja ndodhi rreth orës 12:30 të së dielës. Një nga viktimat humbi jetën në vend, ndërsa tre të tjerë u dërguan me urgjencë në spital, ku dy nuk mundën t’u mbijetonin plagëve.
Policia e Kosovës ka arrestuar një të dyshuar dhe ka shpallur në kërkim tre persona të tjerë të lidhur me këtë krim.
