Një rast i paprecedentë u regjistrua pasditen e djeshme në një plazh privat në Shkëmbin e Kavajës në Durrës. Pushuesit u skandalizuan dhe u larguan me të ‘katërtat’ kur në mes të rërës ka shpërthyer një masiv ujërash të zeza.
Kjo ngjarje dëshmoi mungesën e infrastrukturës dhe investimeve për mbrojtjen e mjedisit dhe shëndetit të pushuesve të cilët rrezikojnë të marrin infeksione të ndryshme nga ndotja që po i bëhet detit nga ujërat e zeza që derdhen në det nga bizneset.
Pas denoncimit të skandalit me PAMJE nga redaksia e Boldnews.al, institucionet vendore u zgjuan dhe më në fund vendosën që ti futen punës, por emri i subjektit privat që shkaktoi këtë krim mjedisor po mbahen ende sekret!
Siç shihet edhe në videon e mëposhtme, insitucionet i janë futur punës pas skandalit të publikuar në Boldnews.al në mes të sezonit turistik dhe në një kohë kur lideri Edi Rama premton turizëm elitar, por nuk ka as kushtet më minimale.
VIDEO e publikuar ditën e djeshme nga momenti kur nga rëra shpërthejnë ujërat e zeza:
LEXO EDHE:
VIDEO/ Ujërat e zeza shpërthejnë në mes të plazhit te Shkëmbi i Kavajës, skandalizohen turistët
