E teksa Qeveria vazhdon propagandën me turizmin, ujërat e zeza vazhdojnë të derdhen në det, mandje dhe në zonat ku lahen pushuesit.
Por ka edhe më keq! Kjo, pasi ndodh që ujërat e zeza t’iu plasin pushuesve edhe në mes të rërës dhe plazhit ku qëndrojnë, si rasti i regjistruar pasditen e sotme në zonën e Shkëmbit të Kavajës, në Durrës.
Siç shihet edhe në pamjet e denoncuara për redaksinë “Boldnews.al”, në mes të rërës ka shpërthyer një masiv ujërash të zeza, teksa rreth saj janë pushuesit, duke krijuar kushte të papërshtatshme për të qëndruar aty, teksa situata më skandaloze u është dukur turistëve të huaj.
Sipas denoncuesit, kjo ngjarje dëshmon për mungesën e infrastrukturës dhe investimeve për mbrojtjen e mjedisit dhe shëndetit të qytetarëve dhe turistëve. Po ashtu, u bëhet apel për ndërhyrje urgjente nga autoritetet lokale dhe qeveritare për të pastruar këtë zonë dhe për të marrë masa për të parandaluar përsëritjen e një ngjarjeje të tillë në të ardhmen.
.
Denoncimi i plotë:
“Përshëndetje!
Dua të denoncoj një ngjarje shqetësuese që ndodhi në plazhin e Shkëmbit të Kavajës, në qytetin e Durrësit. Pasditen e sotme, në këtë zonë u shfaq një fenomen alarmant: një shpërthim i ujërave të zeza mes rërës dhe pushuesve, duke krijuar kushte të pasiguruara dhe shumë të papërshtatshme për të gjithë ata që ndodheshin aty, veçanërisht për turistët e huaj.
Një grup i madh turistësh që po kalonin pushimet e tyre në këtë zonë ishin të tronditur dhe skandalizuar nga ky incident. Pamja ishte shqetësuese, duke krijuar një ndjesi të padurueshme dhe të papranueshme për cilësinë e ujit dhe kushtet e sigurisë në plazh. Kjo ngjarje dëshmon për mungesën e infrastrukturës dhe investimeve për mbrojtjen e mjedisit dhe shëndetit të qytetarëve dhe turistëve.
Apeloj për ndërhyrje urgjente nga autoritetet lokale dhe qeveritare për të pastruar këtë zonë dhe për të marrë masa për të parandaluar përsëritjen e një ngjarjeje të tillë në të ardhmen. Përshtatja e kushteve për turizmin dhe ruajtja e mjedisit janë thelbësore për të garantuar sigurinë dhe kënaqësinë e pushuesve.
Me shpresë për një ndërhyrje të shpejtë dhe përmirësim të situatës.”
