Prokuroria e Durrësit pritet të hapë sot 102 kontejnerë në zonën industriale të Porto Romanos për të kontrolluar përmbajtjen e tyre. Dyshohet se disa prej kontejnerëve mund të përmbajnë mbetje të rrezikshme.
Mostrat që do të merren nga kontejnerët do t’i nënshtrohen analizave laboratorike për të përcaktuar nëse janë toksike dhe në çfarë niveli rreziku ekzistojnë.
Në verën e vitit që shkoi një sasi prej 102 konteinerësh të nisur nga porti i Durrësit bënë xhiron e botës pasi i kthyen mbrapsht nga Malajzia në Durrës për shkak të një denoncimi se ato po transportonin 2100 tonë mbetje të dyshuara të rrezikshme.
Konteinerët mbërritën në portin e Durrësit në fund të muajit tetor 2024. Prej andej ata u dislokuan në një mjedis privat në zonën e Porto Romanos ku ruhen non stop nga forcat e rendit dhe të survejuara me kamera sigurie.
