Kremlini pret që pas takimit në Alaskë më 15 gusht, takimi i radhës mes presidentit rus, Vladimir Putin dhe atij amerikan, Donald Trump të zhvillohet në territorin rus.
Lajmi u bë i ditur nga këshilltari i liderit rus, Yuri Ushakov, i cili konfirmoi se ftesa për presidentin amerikan është tashmë e bërë.
Duke komentuar zgjedhjen e Alaskës si vend të samitit të ardhshëm, Ushakov tha se “Rusia dhe Shtetet e Bashkuara janë fqinj, me kufi të përbashkët, dhe është krejtësisht logjike që delegacioni ynë të kalojë thjesht ngushticën e Beringut për një takim kaq të rëndësishëm dhe të shumëpritur mes dy liderëve”.
Kujtojmë se Presidenti i SHBA-ve, Donald Trump dhe presidenti rus, Vladimir Putin, do të takohen të premten e ardhshme, 15 gusht, në Alaskë për të diskutuar mbi të ardhmen e luftës në Ukrainë.
