Një 24-vjeçar në Devoll ka rënë në prangat e policisë për dhunë në familje dhe armëmbajtje pa leje.
Sipas policisë, i riu ka ushtruar dhunë ndaj bashkëshortes së tij ndërsa pas një kontrolli të ushtruar në banesën e tyre në fshatin Tren, u gjet edhe një armë gjahu, të cilën ai e mbante pa leje.
Ka qenë 19-vjeçarja që ka denoncuar në polici dhunën e bashkëshortit, duke ndërhyrë menjëherë dhe shmangur përshkallëzimin e dhunës.
Ndaj të riut rëndojnë veprat penale “Dhuna në familje” dhe “Prodhimi dhe mbajtja pa leje e armëve të gjuetisë dhe sportive”.
