Kristijan Toshevski kthehet përsëri në futbollin shqiptar. Mbrojtësi i djathtë maqedonas i ka dhënë fund aventurës me Shkupin për t’u kthyer përsëri në Shqipëri, ku bëri emër me fanellën e Tiranës me të cilën u shpall edhe kampion.
Mbrojtësi 31-vjeçar është prezantuar si afirmim më i ri i skuadrës së Pogradecit, e cila vazhdon të përforcohet me emra cilësorë në kërkim të ngjitjes në elitë.
Njohja e tij me trajnerin Ardian Mema falë viteve te Tirana, e ka bërë më të lehtë arritjen e marrëveshjes me mbrojtësin e djathtë që do të jetë një nga përforcimet më cilësore të skuadrës në këtë edicion.
“Mirë se erdhe! Kristijan Toshevski, 31 vjeç, mbrojtës i djathtë, është anëtari më i ri në klubin liqenor. I urojmë suksese në vazhdim”, shkruhej në njoftimin e Pogradecit në rrjete sociale duke zyrtarizuar marrëveshjen me të.
