Dy të rinj janë konfliktuar fizikisht mbrëmjen e kësaj të premte në Fier, ku sherri mes tyre ka degraduar deri në përleshje me thika.
Ngjarja ka ndodhur rreth orës 21:40, teksa protagonistët e sherrit kanë qenë shtetasit Albion Majaci, 28 vjeç nga Fieri dhe Loni Seitaj nga Patosi.
Gjatë përleshjes, ata kanë mbetur të dy të plagosur, teksa janë dërguar me urgjencë në spitalin e Fierit për të marrë ndihmë mjekësore.
Policia thotë se grupi hetimor është duke punuar intensivisht për sqarimin e rrethanave të ngjarjes dhe për identifikimin e personave të tjerë të përfshirë në konflikt.
