Në 24 orët e fundit janë regjistruar 25 zjarre në vende të ndryshme të vendit. Një zjarr në pyjet e fshatit Dhivër, në Finiq, është shkaktuar nga rrufeja dhe aktualisht mbahet nën kontroll.
Gjatë kësaj periudhe janë shuar zjarre edhe në Gryksh i Madh (Elbasan), Dhorës (Skrapar), Gurë-Lurë (Parku Kombëtar Lurë), Daullas (Fier), Lusë (Kukës), Blinisht (Lezhë), Leskovik (Kolonjë), Grudë dhe Rrjoll (Shkodër) si dhe Ngjeqar (Roskovec).
Vendi ynë gjatë muajve të fundit ka qenë në “luftë” me flakët, për shkak të temperaturave të larta dhe mungesës së reshjeve. Shtimi i vatrave të zjarrit është përkeqësuar edhe nga mungesa e mjeteve të mjaftueshme zjarrfikëse dhe kapaciteteve operacionale për t’i përballuar ato në kohë.
