Stefano Argentino, i cili ishte lënë në paraburgim me akuzën e vrasjes së shoqes së tij të klasës Sara Campanella, u gjet i vdekur këtë pasdite në qelinë e tij në burgun e Mesinës.
I riu, i cili u akuzua se e kishte vrarë me thikë Campanellën më 31 mars, dyshohet se kreu vetëvrasje duke u varur pasi u nda nga dy të burgosurit e tjerë.
Hetimet e karabinierëve kanë vërtetuar se Sara Campanella, përndiqej prej kohësh nga Stefano Argentino, ndërsa e reja kishte refuzuar çdo afrim me të.
Për të dokumentuar këtë fakt një audio është gjetur në celularin e saj ku Sara dëgjohet të thotë: “Nuk dua asgjë me ty shpresoj të kem qenë e qartë. Herën e fundit që të thashë të më lije rehat, çfarë kuptove për këtë? Ti kthehu në shtëpinë tënde, unë do të vazhdoj rrugën time.”
Sipas informacioneve nga Corriere della Sera, Argentino kishte treguar më parë tendenca vetëvrasëse dhe për këtë arsye ishte vendosur nën mbikëqyrje të rreptë. Kohët e fundit, megjithatë, ai ishte kthyer në një qeli me dy të burgosur të tjerë, gjë që u interpretua si një shenjë se gjendja e tij po stabilizohej.
Gjyqi i parë në rastin e vrasjes së Sara Campanella-s, e cila kishte tronditur opinionin publik në Itali, ishte planifikuar për 10 shtator.
Itali, e reja vritet me thikë në mes të rrugës, i dashuri i saj dyshohet si autor i krimit
