• Kontakt
Tuesday, August 26, 2025
BoldNews.al

Nuk ka rezultat
View All Result
  • KRYESORE
  • INVESTIGIME
  • OP-ED
  • VETTING
  • AKTUALITET
  • POLITIKE
  • SPORT
    • Euro 2024
  • TE TJERA
    • PRIVACY POLICY
    • KONTAKT
    • EKONOMI
    • SHENDETI
    • SHOW BIZ
    • KULTURE
    • POLITIKE
    • KRONIKE
    • TEKNOLOGJI
    • VIDEOT KRYESORE TE DITES
    • VIDEO
    • BOLD BLOG
    • FOTOGRAFI
    • HOROSKOPI
    • NDRYSHE
    • RAJONI
    • BOTA
    • SOCIALE
  • ZGJEDHJE 2025
  • KRYESORE
  • INVESTIGIME
  • OP-ED
  • VETTING
  • AKTUALITET
  • POLITIKE
  • SPORT
    • Euro 2024
  • TE TJERA
    • PRIVACY POLICY
    • KONTAKT
    • EKONOMI
    • SHENDETI
    • SHOW BIZ
    • KULTURE
    • POLITIKE
    • KRONIKE
    • TEKNOLOGJI
    • VIDEOT KRYESORE TE DITES
    • VIDEO
    • BOLD BLOG
    • FOTOGRAFI
    • HOROSKOPI
    • NDRYSHE
    • RAJONI
    • BOTA
    • SOCIALE
  • ZGJEDHJE 2025
BoldNews.al
Fillimi AKTUALITET

SPAK: Gentian Sula tentoi të fshehë apartamentin sekret të Veliajt te “Kodra e Diellit”

18:05 : 05/08/2025
në AKTUALITET, KRONIKE, KRYESORE, POLITIKE

Nga Boldnews

Ndërtuesi Gentian Sula dyshohet se është i përfshirë në disa episode korrupsioni dhe pastrimi parash me kryetarin e arrestuar të Bashkisë së Tiranës, Erion Veliaj dhe bashkëshorten e këtij të fundit, Ajola Xoxe.

Prokuroria e Posaçme ka zbuluar së fundmi një rast, ku Sula, sipas grupit hetimor, ka bërë përpjekje për të mbuluar një pasuri të fshehur të Erion Veliajt, një apartament në kompleksin “Kodra e Diellit” në Tiranë, ndërtuar prej shoqërisë së tij, “Agikons”.

Erion Veliaj dhe familja e tij jetojnë në katin e katërt të një godine 5-katëshe në zonën rezidenciale, në Selitë të kryeqytetit. Ky apartament është blerë vite më parë nga Arben dhe Valbona Xoxa dhe më tej i është dhuruar vajzës së tyre, Ajola Xoxa.

Në foto: Biznesmeni Gentian Sula, administratori i “AgiKons” shpk

Prej vitesh, ky është apartamenti zyrtar i çiftit Xoxe-Veliaj, i deklaruar edhe në formularët e pasurisë pranë Inspektoratit të Lartë të Deklarimit dhe Kontrollit të Pasurive e Konfliktit të Interesave (ILDKPKI).

Lexo edhe:

Dorian Beu i arrestuar nga SPAK për trafik droge, ortak biznesi me oligarkun e peshkut Gjergj Luca

Veliaj paralajmërim në “TikTok”-un e ndaluar: Kur të flas unë ti do jesh lajm i fundit!

Megjithatë, hetimet e Prokurorisë së Posaçme kanë krijuar dyshimin se “çifti i parë” i Tiranës ka edhe një pasuri të fshehur, një apartament në katin e pestë të godinës ku jetojnë, saktësisht mbi banesën e tyre.

Në apartament që dyshohet se është i fshehur nga Veliaj, ka jetuar prej vitit 2011 e deri në vitin 2019 miku i ngushtë i familjes së kryebashkiakut, aktori i kabaresë “Portokalli”, Gazmend Paja.

I pyetur nga grupi hetimor, Paja ka deklaruar se është larguar nga ai apartament në vitin 2019, pasi, në marrëveshje me ndërtuesin Gentian Sula, ka vendosur ta zëvendësojë me një banesë tjetër më të madhe, për shkak të nevojave familjare.

Në foto: Aktori Gazmend Paja u pyet në Prokurori për apartamentin te “Kodra e Diellit”

Pas vitit 2019, e konkretisht rreth vitit 2020-2021, SPAK ka identifikuar komunikime të shumta mes Ajola Xoxes dhe personave të ndryshëm mbi rikonstruksionin dhe mobilimin e apartamentit të lënë bosh nga Gazmend Paja.

Falë këtyre komunikimeve dhe detaje të zbuluara gjatë hetimit, Prokuroria e Posaçme ka krijuar dyshimet të arsyeshme se familja e kryebashkiakut të Tiranës është pronare reale e atij apartamenti, megjithëse formalisht, ai figuron i regjistruar në pronësi të “AgiKons” të ndërtuesit Gentian Sula.

Tentativa për të mbuluar apartamentin

Bazuar në informacionet për një apartament të fshehur të Veliajt, në 14 Prill 2025, Prokuroria e Posaçme kreu një kontroll në banesën në katin e pestë të godinës ku jeton kryebashkiaku.

Apartamenti rezultonte se i ishte dhënë me qira një personi, R. C. Qiramarrësi deklaroi se jeton në atë apartament prej Shtatorit 2024. Ai i tha grupit hetimor se e kishte gjetur këtë apartament në njoftimet e agjencisë imobiliare “Future Home”. R.C. thotë gjithashtu se, në momentin që e ka parë këtë apartament, në Gusht të vitit të kaluar, aty po bëheshin punime rifiniture, si lyerje, ndryshim të pajisjeve hidrosanitare dhe mobilim.

Kontrata e qirasë, nëpërmjet agjencisë imobiliare, rezulton se është nënshkruar mes R.C dhe shoqërisë “AgiKons”. Por, Prokuroria e Posaçme, dyshon se shoqëria ndërtuese e Gentian Sulës është përfshirë në këtë kontratë, me qëllim për të fshehur pronësinë reale të apartamentit.

Në foto: Pjesë nga dosja hetimore për veprimet e dyshimta të ndërtuesit Gentian Sula

“…Për organin procedues, krijohet bindja se shtetasi Gentian Sula, përfaqësues i ‘Agikons’, me simulimin aktiv të një marrëdhënieje qiraje, nëpërmjet nxjerrjes së objektit në një agjenci dhe më tej në nënshkrimin e kontratës së qirasë dt.18 Shtator 2024 (me shtetasin R.C), ka kryer veprime objektive, të cilat kanë synuar që të justifikojë përfitimin e parregullt që bashkëshortët Veliaj-Xoxa, kanë marrë për shkak të funksionit si kryetar Bashkie të Erion Veliajt”, thuhet në materialin e mbylljes së hetimeve të Prokuroria e Posaçme.

Më tej, SPAK-u deklaron: “Ky përfitim i parregullt (i çiftit Veliaj-Xoxe)….buron nga një marrëdhënie e gjatë me natyrë korruptive, e kushtëzuar kjo nga raportet e vazhdueshme të shtetasit Gentian Sula (përfaqësues i “AgiKons”) me Bashkinë e Tiranës…”.

Dollapi zbuloi apartamentin

Prokuroria e Posaçme thotë se fillesa për zbulimin e një apartamenti të fshehur nga Erion Veliaj, një kat mbi banesën e tij zyrtare tek zona e ‘Kodrës së Diellit”, ka qenë një dollap.

Në kuadër të hetimeve për kryebashkiakun e arrestuar të Tiranës dhe bashkëshortes së tij, Ajola Xoxe, për veprat penale të korrupsionit e pastrimit të parave, prokurorët kanë administruar të dhënat e një mobilieri, Arlind Kodra.

Ky i fundit ka mbajtur në kompjuterin e tij të dhënat mbi punimet që ka kryer për llogari të Ajola Xoxes në shtëpinë e saj tek Kodra e Diellit, si edhe në një vilë në Qerret.

Mes të dhënave kompjuterike, prokurorët kanë identifikuar informacion, të shënuar me emërtimin “kati lart”. Mobilieri është pyetur për këtë informacion dhe ka deklaruar se është shoqëruar në vitin 2021 nga Ajola tek një apartament, që gjendet mbi shtëpinë ekzistuese të saj, ku ka marrë masat për realizimin e disa dollapëve.

Ai ka deklaruar se për këtë apartament ka ndërtuar vetëm një dollap. Prokuroria e Posaçme, mbi bazën e këtij informacioni, si edhe të dhënave të tjera indirekte, ka kryer një kontroll mbi këtë apartament, që gjendet në katin e pestë, saktësisht mbi banesën ku jetojnë Ajola Xoxe dhe Erion Veliaj.

Në 14 Prill 2025, agjentët e Byrosë Kombëtare të Hetimit kryen një kontroll në apartamentin mbi banesën zyrtare të Erion Veliajt.

Në foto: Pamje të zonës ku jeton Erion Veliaj, në dosjen e Prokurorisë së Posaçme

Fotot e kryera nga agjentët e Byrosë së Hetimit gjatë kontrollit në këtë banesë iu paraqitën mobilierit Arlind Kodra. Ky i fundit u shpreh se dollapi që gjendet në shtëpinë e dhënë me qira ishte pikërisht ai që kishte bërë ai më parë, pas bisedës me Ajola Xoxen.

Mbi bazën e kësaj të dhëne, prokurorët iu rikthyen sërish komunikimeve telefonike, të cilat kishin sekuestruar më herët nga personat nën hetim.

Në ato komunikime zbuluan mesazhe të shkëmbyera mes Ajolës dhe arkitektit Olsi Eftimi, mik i familjes dhe njëkohësisht personi që ka kontribuuar në arredimin e banesave të familjes Xoxe-Veliaj, në Tiranë dhe Qerret.

Në ato komunikime u evidentuan biseda, të cilat lidheshin pikërisht me apartamentin sipër banesës së Ajolës dhe Veliajt. Aty flitej për mundësinë e krijimit të shkallëve të brendshme, të cilat do të lidhnin dy apartamentet e të tjera detaje teknike.

Arkitekti Olsi Eftimi ka pranuar para prokurorëve se ka shkuar në atë apartament, por vetëm për të kryer disa rregullime, pasi pikonte ujë në tavanin e shtëpisë së Ajolës. Megjithatë, Prokuroria e Posaçme deklaron se ka shumë të dhëna të tjera, të cilët i kanë krijuar bindjes se ai apartament është një pasuri e fshehur e Erion Veliajt dhe Ajola Xoxës.

Etiketa: ajola xoxaapartamentapartamenti sekretErion Veliajfshehugazment pajaGent SulaGentian Sulakodra e diellitspaktentativaVeliaj

Lajme të lidhura

AKTUALITET

Dorian Beu i arrestuar nga SPAK për trafik droge, ortak biznesi me oligarkun e peshkut Gjergj Luca

21:58 : 25/08/2025
AKTUALITET

Veliaj paralajmërim në “TikTok”-un e ndaluar: Kur të flas unë ti do jesh lajm i fundit!

17:50 : 25/08/2025
AKTUALITET

“Jam shoferi i kancelares së SPAK-ut”, kërcënoi inspektorët e IMT-së, arrestohet një person në Tiranë

15:01 : 25/08/2025
AKTUALITET

Vilë “pa qira” për Ajolën/ Gentian Sula i “Intersig” fitoi 6 tendera pa garë në Bashkinë Tiranë

11:37 : 25/08/2025
AKTUALITET

Linda e AKSHI-t sfidon SPAK, i jep 8.3 mln euro Ermal Beqirit pas kontrollit të zyrave nga BKH

21:00 : 23/08/2025
AKTUALITET

SPAK nën hetim 14 zyrtarë të lartë, përfshirë deputetë dhe një ish-ministër

16:50 : 22/08/2025
Para

Zhegrova mund të largohet nga Lille, sulmuesi në kontakte me gjigantin francez

TË GJITHA

Horoskopi, 26 Gusht 2025/ Lexoni parashikimin e yjeve për shenjën tuaj

23:07 : 25/08/2025

VIDEO/ Disa të rinjtë rra*in pronarin e një lokali në Shkodër: Kemi me u v*a krejtve

22:50 : 25/08/2025
FILE PHOTO: U.S. President Donald Trump signs documents as he issues executive orders and pardons for Jan. 6 defendants in the Oval Office at the White House on Inauguration Day in Washington, U.S., January 20, 2025. REUTERS/Carlos Barria/File Photo

Trump firmos urdhër ekzekutiv: Burg për këdo që djeg flamurin amerikan

22:37 : 25/08/2025

EMRI/ Aksident i rëndë në Vorë, makina përplas për vdekje 66-vjeçarin

22:14 : 25/08/2025

Dy motrat që humbën jetën në aksidentin e Sarandës, po shkonin në spital te vëllai me leuçemi

22:09 : 25/08/2025

Dorian Beu i arrestuar nga SPAK për trafik droge, ortak biznesi me oligarkun e peshkut Gjergj Luca

21:58 : 25/08/2025

Shqipëria, një mit që duhet rrëzuar midis deteve ëndërrimtare dhe kaosit të tmerrshëm

21:51 : 25/08/2025



RRETH NESH

Boldnews.al mbetet zgjedhja e parë për një lexues i cili kërkon të informohet me saktësi për një lajm. Misioni jonë kryesor është paanshëmëria dhe profesionalizmi dhe për këtë janë të punësuar gazetarët më të mirë në tregun mediatik.
Na kontakto: [email protected]

NA NDIQ

  • Kontakt

2025 Boldnews Dev By Techzero1.com

  • KRYESORE
  • INVESTIGIME
  • OP-ED
  • VETTING
  • AKTUALITET
  • POLITIKE
  • SPORT
    • Euro 2024
  • TE TJERA
    • PRIVACY POLICY
    • KONTAKT
    • EKONOMI
    • SHENDETI
    • SHOW BIZ
    • KULTURE
    • POLITIKE
    • KRONIKE
    • TEKNOLOGJI
    • VIDEOT KRYESORE TE DITES
    • VIDEO
    • BOLD BLOG
    • FOTOGRAFI
    • HOROSKOPI
    • NDRYSHE
    • RAJONI
    • BOTA
    • SOCIALE
  • ZGJEDHJE 2025

2025 Boldnews Dev By Techzero1.com