Edi Rama në një intervistë për revistën gjermane ZEITmagazin, ka folur edhe mbi projektet e e dhëndrit të presidentin amerikan, Donald Trump, Jared Kushner, i cili do të ndërtojë resort në ishullin e Sazanit, si dhe në Zvërnec.
Te përgjigjia që vihet re është se Rama e konsideron pjesën e Zvërnecit ku do ndërtohet resorti si një pronë private, teksa shtoi se ai po negocion vetëm për ishullin e Sazanit, e cila i përket shtetit.
Pyetja: Ju e njihni mirë dhëndrin e Trump, Jared Kushner, i cili synon të bëhet një investitor i madh në Shqipëri: kompania e Kushner dëshiron të ndërtojë akomodime luksoze për turistë të pasur në një pjesë bregdetare të paprekur më parë dhe në një ishull të pabanuar. Kjo po kundërshtohet nga ambientalistët. Si po ecën ky projekt?
Përgjigja e Ramës: Po ecën. Projekti përbëhet nga dy pjesë: nga njëra anë, brezi bregdetar – ose gadishulli, siç e quajmë ne. Është në pronësi private. Nga ana tjetër, ishulli i Sazanit, i cili i përket shtetit. Gadishulli ka përfunduar fazën e planifikimit. Ne ende po negociojmë kushtet e partneritetit për ishullin e Sazanit. Konceptet paraprake duken shumë premtuese. Lista e kompanive që duan të bëhen pjesë e këtyre kufijve të rinj të turizmit mesdhetar është mbresëlënëse, veçanërisht Hotelet Aman”.
