Zjarret që përhapen nga zonat e Delvinës dhe Sarandës drejt Gjirokastrës kanë vazhduar të djegin sipërfaqe të mëdha me pyje dhe kullota gjatë natës në Qafën e Skërficës.
Dhjetra hektarë janë përfshirë nga flakët, duke shkaktuar dëme të konsiderueshme në mjedis dhe duke rrezikuar stanet dhe tufat e bagëtive në lartësitë e Malit të Gjerë.
Terreni i vështirë malor e bën të pamundur përdorimin e infrastrukturës zjarrfikëse, ndërsa ndërhyrja nga ajri mbetet zgjidhja e vetme e mundshme.
