Qeveria prezantoi ditën e sotme draftin e ri të Kodit Penal, për të cilin Ulsi Manja u shpreh se puna ka nisur që në vitin 2019 dhe se grupi i punës është drejtuar nga kreu i Shkollës së Magjistraturës, Arben Rakipi.
Ky i fundit, gjatë fjalës së tij, deklaroi se kanë propozuar edhe lirmin me kush të të dënuarve me burgim të përjetshëm, një praktikë e pazbatuar më parë në Shqipëri. Sipas tij, njerëzit mund të ndryshojnë dhe të përmirësohen në burg, teksa lirimin e të burgosurve përjetë e konsideroi si një propozim të guximshëm.
“Sa i përket lirimit para kohe me kusht për të dënuarit me burgim të të përjetshëm. Ne kemi pasur disa pengesa që lidhet me aplikimin e lirimit me kusht për burgimin e përjetshëm. Përfundimisht diskutimi i gjatë është se mund ta aplikojmë lirimin me kusht për dënimin e përjetshëm. Është propozim shumë i guximshëm, debati ka qenë i fortë sepse këtu mpleksen shumë gjëra një pjesë e të cilave i përmenda, paqja sociale, roli i viktimës, rendi publik, shkalla e kriminalitetit, etj, por nisur nga besimi që edhe personalisht kam, që njerëzit ndryshojnë dhe përmirësohen nëse puna me ta është e efektshme. Kjo nuk është parrullë e thënë për shkak të formimit tim, por eksperiencë e përditshme që ndodh gjithandej ndaj përfundimisht e propozuam këtë zgjidhje.
Nuk e di se çfarë fati do të ketë kjo zgjidhje dhe nuk pres telefonata pasdite sepse do të jem me pushime. Por, natyrisht, do të ketë debate të forta për këto propozime, ku do të futen edhe elemente të besimit fetar. Unë pres që diskutimi i përgjegjshëm të zhvillohet dhe në fund të arrijmë një zgjidhje të përbashkët për këto elemente” – tha Arben Rakipi.
Pra, kjo është “perla” e radhës së Arben Rakipit, i cili duket se pasi hoqi kriterin e mesatares nga Magjistratura për të nxjerrë “plepat” e rinj të drejtësisë, tashmë propozon dhe lirimin nga burgu të përdhunuesve, vrasësve apo kriminelëve të rrezikshëm, pasi këta janë kategoria e të dënuarve me burg përjetë.
A e ka bërë me urdhër të Edi Ramës, apo nga “ekspertiza” e tij, kjo nuk dihet, por lirimi me kusht i të dënuarve me burgim të përjetshëm po konsiderohet si skandal, teksa mund të rritë edhe korrupsionin në radhët e gjyqësorit.
Hiqet mesatarja për Magjistraturën/ Arben Rakipi krijon “Plepat e rinj”
Shkeljet/Skandali me pranimet në Magjistraturë, a do të hetojë Dumani,Arben Rakipin?
