Ka ndërruar jetë gjatë transportit për tek spitali i Traumës në Tiranës, drejtuesi i automjetit që u aksidentua paraditen e kësaj të marte në aksin rrugor Maqellarë-Peshkopi. Lajmin e ka bërë me dije Policia e Dibrës përmes një komunikate për mediat, teksa viktima është shtetasi me inicialet B.S.
Dyshohet se ai ka humbur kontrollin mbi drejtimin e automjetit të tij dhe makina ka dalë nga rruga duke rënë në një humnerë me disa metra lartës. Ngjarja ndodhi rreth orës 10:00, në dalje të qytetit të Peshkopisë.
Shoferi mbeti i plagosur rënde dhe u dërgua me helikopter drejt spitalit të Traumës, por fatkeqësisht nuk ia doli të mbërrinte i gjallë. Policia thotë se po punon për zbardhjen e rrethanave të aksidentit.
“Rreth orës 10:00, në dalje të qytetit të Peshkopisë, shtetasi B.S., dyshohet se ka humbur kontrollin mbi drejtimin e automjetit dhe automjeti ka dalë nga rruga duke rënë disa metra poshtë saj. Si pasojë e dëmtimeve të marra, drejtuesi i automjetit ka humbur jetën, gjatë transportimit për në spitalin e Traumës Tiranë. Grupi hetimor po punon për zbardhjen e rrethanave të aksidentit.” – thuhet në njoftim.
