Vasil Shkurtaj nuk është më pjesë e ekipit të Flamurtarit. Pas vetëm një sezoni e gjysmë, klubi vlonjat dhe sulmuesi 33-vjeçar kanë vendosur të mbyllin bashkëpunimin.
Mësohet se Vasil Shkurtaj do ta vijojë karrierën e tij në Qipro dhe ndoshta me shumë mundësi tek Enad Polis, aty ku ka qenë edhe më parë, pikërisht përpara transferimit te Flamurtari.
Në sezonin që lamë pas, Shkurtaj ishte një “bomber” i vërtetë për kuqezinjtë. Në 28 ndeshje që mori pjesë, sulmuesi ia doli që të shënonte 12 gola.
Ndërkohë që lajmin për largimin, e ka bërë të ditur vetë 33-vjeçari në rrjetet sociale.
Postimi i Vasil Shkurtajt:
E kam vonuar këtë mesazh sepse nuk ishte e lehtë për mua ta shkruaj. Rrugëtimi im me Flamurtarin ka përfunduar dhe, edhe pse ishte një vendim personal, i marrë që në fund të sezonit dhe i diskutuar me klubin, nuk ishte aspak i thjeshtë.
Jam krenar që isha pjesë e këtij ekipi në një sezon të veçantë, ku së bashku e bëmë realitet rikthimin në Superiore pas 5 vitesh – aty ku Flamurtari e meriton të jetë.
Faleminderit presidentit për besimin, shokëve të ekipit për çdo moment në fushë dhe tifozëve për mbështetjen. Do ju ndjek gjithmonë dhe do përpiqem të jem pranë klubit edhe jashtë fushës, sa herë të kem mundësi. Ju uroj nga zemra një sezon të suksesshëm dhe gjithë të mirat në vazhdim.
