Kryebashkiaku i Gramshit Besion Ajazi, ka lëshuar gojën në të shara dhe ofendime ndaj një qytetari që ka komentuar në një faqe në Instagram ku shfaqej ai në një postim.
Denocnuesi tregon se si iu përgjigj një komenti të bërë nga një qytetar tjetër në postimin ku shfaqej Ajazit, duke hedhur akuza për vëllain e kryebashkiakut, Kreshnik Ajazin, i cili mban postin e kryeprokurorit në Elbasan. Në koment denoncuesi shkroi: “Vëllai i Kreshnikut te korruptuar.”
Postimi
Kaq ka mjaftuar që Besionit ti bëhen ‘nervat kaçurel’ dhe t’i shkruaj direkt në privat komentuesit.
Mesazhi i parë nis me një ofendim, i dyti gjithashtu dhe i treti me të njëjtën gjuhë, me të cilën duket se kryebashkiaku i zgjedhur i Gramshit duhet ta ketë të leksikut të përditshëm, në komunikimin me qytetarët.
Pasi qytetari i ka thënë se do t’i ruajë këto mesazhe, Besioni i ka ‘futur’ dhe një të sharë tjetër. Madje ai e ka kërcënuar se do ta denoncojë, mase te vëllai i tij kryeprokuror, për ‘prishje imazhi dhe kërcënime në profilin e tij’.
“Vellai kryeprokurorit te Elbasanit qe me denoi gjoja per shkelje te rregullave te qarkullimit rrugor dhe plagosje me rrezik jete. I bera koment ne faqen e tij: Ky eshte vellai kryeprokurorit te korruptuar te Elbasanit. Dhe ky mu pergjigj me keto mesazhe me fyerje alabakesh ne inbox,” shkruan denoncuesi.
E gjitha kjo ka ndodhur për një koment që kryebashkiakut Besion Ajzai nuk i pëlqeu./ JOQ
