Ilir Mëngra me paaftësinë e tij po çon drejt kaosit Drejtorinë e Shërbimint të Transportit Rrugor (DPSHTRR) në kryeqytet.
Qytetarët që iu drejtuan Drejtorisë Rajonale të Shërbimeve të Transportit Rrugor në Tiranë për kontrollin fizik të automjeteve janë përballur sot me pritje të gjata, kaos dhe mungesë informacioni.
Prej më shumë se 4 orësh, automjetet kanë qëndruar të bllokuara në radhë, pa asnjë lëvizje dhe pa ndonjë njoftim zyrtar nga autoritetet për arsyet e vonesës.
Situata ka shkaktuar pakënaqësi dhe stres te qytetarët, të cilët kanë pritur nën diellin përvëlues të korrikut, pa ndonjë shpjegim për ndërprerjen e procesit të kontrollit teknik.
“Jemi te Drejtoria e Rajonale e Shërbimeve të Transportit Rrugor Tirane. Kemi qe ne oren 10:00 ëe presim ke kontrolli fizik per gati 4 ore dhe makinat nuk levizin fare. Nuk japin shpjegim fare”, shkruan qytetari në denoncimin për JOQ.
- Korrupsioni në drejtorinë e Ilir Mëngrës
Largimi i Blendi Gonxhes nuk e zhduku korrupsionin në Drejtorinë e Përgjithshmë të Shërbimeve të Transportit Rrugor (DPSHTRR), por përkundrazi, me “trashëgimtarin” e tij në krye, Ilir Mëngra është shtuar edhe më shumë.
Vetë drejtori Mëngra ka mbajtur një profil të ulët publik, që më shumë se “paaftësi” për të shitur produkte imagjinare, duket një taktikë e njohur për të mbuluar me harresë abuzimet që bëhen në Drejtorinë e Përgjithshme të Shërbimit të Transportit Rrugor.
Dy sektorët kyç ku vijon të “ndiqet tradita” e korrupsionit në këtë drejtori, janë Kontrolli Teknik i Automjeteve dhe pajisja me leje drejtimi (patentë).
Gjithçka fuknsionon si “sahat zvicerian”. Paraja nëndorë që të bën me patentë, por jo të aftë për të qenë drejtues mjeti në rrugë vijon, me formën e saj klasike. E njëjta metodë përdoret edhe me kontrollin teknik, ku për shkak të korrupsionit nuk e kalojnë dot “kolaudimin” automjete se nuk punon një sinjal në ato momente, por kalojnë automjete që edhe në “varreza” i pranojnë me vështirësi.
Lexo edhe:
Ilir Mëngra, drejtori me 4 shtëpi. Bleu banesë 200 mijë euro pasi u emërua te “Patentat”
Korrupsioni me patentë në drejtorinë e Ilir Mëngrës/ Denoncimi: Funksionon vetëm leku
Vizionar, pasionant e largpamës/ Nuk është meme, por CV e kryepatentaxhiut Mëngra
