Ashtu siç e kishte paralajmëruar Edi Rama sot do të zbresin në terren tatimorët për të ushtruar kontroll dhe terror ndaj bizneseve që shesin bulmet pa faturë.
Kjo nuk është hera e parë që “taksidarët e qeverisë” dalin për të kontrolluar bizneset por përfundojnë duke mbyllur sytë përballë ryshfetit.
Aksioni vjen pas ultimatumit të kryeministrit Edi Rama tre ditë më parë gjatë takimit me kryetarët e bashkive të vendit në Durrës. Ultimatumi synon gjurmueshmërinë e produkteve por kjo masë radikale rrezikon të ketë efekte negative te blektorët dhe prodhuesit e vegjël.
“Duke filluar nga e hëna nuk ka më paralajmërime po vetëm sekuestrime të çdo lloj produkti bulmeti dhe qumështi pa faturë”, tha Rama.
Taksidarët e Ramës janë të “stërvitur” me këto aksione pasi e kanë të qartë “objektivin”: Fillimisht terror ndaj biznesit, fermerëve dhe më pas mund të “zbuten” në mënyrë selektive kush nga pronarët i mbush xhepin me para.
Ka dhe një realitet që nuk mund të mos merret në konsideratë. Në Tiranë, ku nuk ka fabrikë përpunimi qumështi si në Lushnje apo Berat e Gjirokastër, ky produkt rrezikon të mbetet i pashitur nga blegtorët e vegjël.
Zgjidhja për ta në këtë rast do të ishte tërheqja e tyre nga mbarështrimi i bagëtive, duke thelluar një krizë që ka nisur prej disa vitesh.
Shqipëria numëron më pak se 1.7 milionë krerë lopë e të imta, nga 2.4 milionë krerë para një dekade.
Nga viti 2020 deri në fund të 2024-ës sipas përllogaritjeve janë blerë nga jashtë 300 milionë euro bulmet dhe 383 milionë euro produkte mishi dhe të brendshmet e tij.
