Një grua 44-vjeçare është gjetur pa shenja jete pranë banesës ku po kulloste bagëtitë në fshatin Pjeshkë të Durrësit.
Nga veprimet e para hetimore, policia bën me dije se shtetasja me iniciale M. Ll, nuk ka shenja dhune dhe dyshohet se ka humbur jetën për shkaqe natyrale.
“Më datë 13.07.2025, në orën 22:00, në spitalin e Shijakut, është dërguar pa shenja jete shtetasja M. Ll., 44 vjeçe, banuese në fshatin Pjeshkë, Durrës, e cila është gjetur pa shenja jete, nga familjarët, afër banesës, ku po kulloste bagëtitë. Nga veprimet e para hetimore dyshohet se ajo ka humbur jetën për shkaqe natyrale”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës.
