Janë zbardhur detaje të reja nga ngjarja e rëndë e regjistruar këtë të hënë në lagjen “Kushtrimit” të Vlorës, ku një 17-vjeçare tentoi t’i jepte fund jetës, duke qëlluar veten me plumb në kokë, afërs syrit.
E mitura ndodhet në gjendje kritike, e intubuar, në spitalin e Traumës në kryeqytet, teksa Policia e Vlorës shoqëroi në komisariat babain e vajzës, shtetasin Saimir. H., i cili i kundërshtoi.
Ndërkohë, burime për mediat bëjnë me dije se uniformat blu ende nuk e kanë gjetur armën e zjarrit pistoletë, me të cilën 17-vjeçarja qëlloi veten.
Burime pranë grupit hetimor bëjnë me dije se autoritetet dyshojnë se arma është fshehur bashkë me gëzhojën nga familjarët, të cilët kanë pastruar edhe vendin ku ndodhi ngjarja.
Babai i vajzës, me preceden penal, mësohet se nuk ka bashkëpunuar me policinë dhe kjo është arsyeja e shoqërimit në komisariat. Atij i janë marrë dhe faktorët plotësues në duar për të zbuluar nëse ka qëlluar apo jo.
Dyshimet paraprake janë se ka qenë babai ai i cili e ka shtyrë të bijën drejt këtij akti ekstrem, pas një debati të ashpët me të, pasi nuk aprovonte stilin e jetesës së të miturës.
E mitura është shoqëruar në spitalin e Traumës nga gjyshërit, me të cilët edhe është rritur.
