Studiuesi amerikan, Matt Palumbo është shprehur se ish-sekretari i Departamentit Amerikan të Shtetit, Antony Blinken, ka pasur rol të madh në vendosjen e sanksioneve ndaj Sali Berishës.
Palumbo thase në Shqipëri ka persona të përfshirë me fondacionin Soros, ku sipas tij, në një kolegj në Vjenë, ata kanë të arkivuar të gjithë emrat, nga Soros, Blinken etj. Për këtë arsye shtoi ai është shumë e lehtë të gjesh lidhjet mes Alex Soros dhe kryeministrit Edi Rama.
Palumbo u shpreh më tej se një goditje të fortë, PD-ja e ka ka marrë edhe nga ish ambasadorja Yuri Kim, e cila sipas tij, ka vepruar tërësisht në emër të Ramës për të shpërbërë demokratët.
“Në fakt e lidhin shumë gjëra. Blinken aso kohe vendosi sanksione ndaj Berishës, që ishte armik i Soros 3 dekada më parë. Në Shqipëri kemi parë persona të përfshirë me fondacionin Soros, është edhe një kolegj në Vjenë ku kanë arkivat e tyre. Shikojmë atje emra ku të renditur janë Soros, Blinken. Është e lehte të shikosh lidhjet që ka me kryetarin. Është e mundur që Alex Soros komunikonte me Blinken, sepse kishte vizituar Shtëpinë e Bardhë disa herë.
Gjithkush flet për McGonigal kur ishte me FBI, po ka qenë në Shqipëri dhe u prit nga kryetari i bashkisë dhe kryetari i PS. Kemi një skeme të të gjithë rrjetit dhe personave që kanë mbërritur pranë Blinken për të marrë atë vendim. Lajmi i mirë është se Donald Trump do të marrë masa për këto sanksione.
Unë do të thoja po, në raportin e fundit që është personi i 2 në FBI unë kam vëmendjen e tij, kam folur gjerë e gjatë me të dhe mendoj se tragjedia e marrjes së fajësisë së McGonigal është se ne dimë vetëm një pjesë të kësaj skeme. McGonigal ishte një zhvatës, kam shembullin e një libri që ai mbështeste ata që do ta ndihmonin dhe do t’i ofronin më shumë të ardhura e pushtet dhe do ta ndihmonte kundër çdo kritike që do t’i bëhej PS.
Kim ka vepruar tërësisht në emër të Ramës, ka dashur të shpërbëjë demokratët, pamë fraksionet e Bashës, edhe te zgjedhjet. Ka luajtur rolin e vet përçarës. PD vuri re që ndikimi më i madh ishte prej ndikimit të keq të diplomatëve dhe vota s’u mbështet aq sa duhet.”, u shpreh Palumbo per SYRI TV.
