Club Brugges-i duket i bindur për të mos lejuar largimin e Ardon Jasharit.
Pavarësisht ofertës 37 milionë euro të Milanit dhe dëshirës së madhe të vetë lojtarit për t’u veshur kuqezi, drejtuesit belg nuk janë të hapur për këtë lëvizje pa u arritur shifra e 50 milionë eurove.
Drejtori sportiv i Club Brugges-it ka thënë për “Het Nieuwsblad” se nëse Jashari do të qendrojë edhe për një sezon, atëherë klube më të mëdha se Milani do të kërkojnë ta transferojnë.
“Nëse vjen koha kur një lojtar është vërtetë në fund të periudhës së tij, dhe një klub i madh paraqet një ofertë të përshtatshme, atëherë transferimi mund të kryhet. Maxim De Cuyper-i është një shembull i mirë. Nëse Jashari qendron këtu edhe për një vit tjetër, nuk do të jetë vetëm Milani, por edhe klube më të rëndësishme që do të afrohen me oferta më të mira”, ka deklaruar Devy Rigaux.
