Një aksident i rëndë ka ndodhur ditën e sotme në segmentin e Rrugës së Arbrit, pranë urës së Gjoricës mbi lumin Drin.
Dy automjete janë përplasur “kokë më kokë”, duke shkaktuar plagosjen e pesë personave, të cilët janë transportuar menjëherë për ndihmë mjekësore në spitalin e Bulqizës.
Raportohet se të plagosur kanë mbetur dy drejtuesit e automjeteve dhe tre vajza, një prej të cilave pritet të niset për mjekim më të specializuar drejt kryeqytetit.
Policia ka mbërritur në vendngjarje dhe po punon për të zbardhur shkaqet e aksidentit.
