Një shtetas shqiptar 38-vjeçar, i dënuar për tentativë vrasjeje dhe i arratisur nga një burg italian në gusht të vitit 2024, është arrestuar nga policia federale gjermane gjatë një kontrolli rutinë në një autobus turistik me linjë ndërkombëtare.
Sipas mediave të huaja, arrestimi ndodhi pranë Mynihut, ku gjatë verifikimeve të dokumenteve të udhëtarëve, autoritetet konstatuan se ndaj 38-vjeçarit ishte lëshuar një urdhër arresti ndërkombëtar nga autoritetet italiane.
Pas ndalimit, shqiptari u vendos në paraburgim dhe tashmë pritet të ekstradohet drejt Italisë, ku do të përballet me pjesën e mbetur të dënimit dhe procedurat ligjore për arratisjen. Deri më tani, nuk janë dhënë detaje të tjera mbi identitetin e tij apo rrethanat e arratisjes.
