Vllaznia u mposht mbrëmjen e sotme nga Daugavpils me rezultatin minimal 1-0 në sfidën e parë të kualifikueseve të Conference League.
Një humbje që komplikon së tepërmi ecurinë e skuadrën në kualifkuese dhe tashmë në transfertë i duhet të përmbysë rezultatin.
Trajneri i Vllaznisë, Edi Martini doli në prononcim për mediat në përfundimin e takimit. Ai u shpreh se skuadra e tij dominoi lojën por nuk ia doli të shënojë ndërsa beson te k përmbysja e rezultatit.
“Normalisht i mërzitur, kishim rastet tona dhe duhet të shënonim. E zotëruam të gjithë lojë, por pësuam një gol në fundin e lojës që duhet ta evitonim. Kemi ndryshuar 4 lojtarë në formacion në një muaj dhe nuk arritëm të mbanim ritmin. U munduam të bëjmë diçka për të shënuar gol, por nuk ia dolëm.
0-0 do ishte më mirë se 1-0. Sido që të dalë kjo ndeshje, kemi edhe një ndeshje. Jam optimist për lojën që kanë bërë djemt dhe mendoj se mund të kthejmë ndeshjen e kthimit. Ky është një ekip i vështirë, shtatlartë dhe që mbrojnë mirë. Kur futen 10 lojtarë në zonën e 30 metërshit është e vështirë t’i çashë. Kam besim te djemtë dhe kemi 90 minuta të tjera. 1-0 është një rezultat që mund ta kthejmë. Jemi më lart se ta.
Ne kemi prit edhe lojtarë të vijnë, jemi në bisedime me shumë lojtarë. Është e domosdoshme të kalojmë këtë tur edhe nga financat. Gjithsesi kemi një ndeshje që duhet ta luftojmë deri në fund për të arritur kualifikimin”, u shpreh Martini.
