Policia e Shkodrës ka arrestuar dy persona, (babë e bir), pasi janë identifikuar nga hetimet si autorë të kultivimit të 114 bimëve narkotike kanabis në fshatin Drisht.
Në kuadër të operacionit anti-kanabis të koduar “Koordinata” janë vënë në pranga shtetasit S. B., 62 vjeç dhe S. B., 22 vjeç (babë e bir), banues në fshatin Drisht.
“Nga hetimet dyshohet se këta shtetas, në bashkëpunim me njëri-tjetrin, kanë kultivuar 114 bimë të dyshuara narkotike Cannabis Sativa, në fshatin Drisht. Bimët narkotike janë gjetur dhe asgjësuar nga shërbimet e Policisë, më datë 2 Korrik 2025.” – thuhet në njoftimin e Policisë.
Materialet procedurale i janë referuan Prokurorisë së Shkodrës për veprën penale “Kultivimi i bimëve narkotike”, kryer në bashkëpunim.
