Momente paniku janë regjistruar në qytetin Manavgat të Antalias, ku një luan mashkull me emrin Zeus ka dalë nga kafazi në një park të kafshëve dhe ka sulmuar një familje që po flinte në një fushë aty pranë. Si pasojë e sulmit, një burrë mbeti i plagosur lehtë.
Pas incidentit, luani u vra nga autoritetet lokale, çka ka shkaktuar debat të ashpër në rrjetet sociale dhe mediat turke. Shumë qytetarë janë shprehur të indinjuar, duke pyetur pse nuk u përdor një metodë më humane, si trullosja e kafshës.
Sipas raportimeve, janë nisur hetime ligjore në përputhje me Kodin Penal Turk dhe Ligjin për Mbrojtjen e Kafshëve. Po ashtu, autoritetet kanë hapur një procedurë zyrtare edhe në bazë të rregullores për funksionimin e kopshteve zoologjike dhe parqeve të jetës së egër.
Ngjarja ka rikthyer në vëmendje shqetësimet për sigurinë në ambientet ku mbahen kafshët e egra si dhe trajtimin e tyre në raste të tilla emergjente.
Antalya Manavgat’ta hayvan parkından kaçıp bir kişiyi yaralayan aslan, ekipler tarafından yakalandı ve tekrar parka teslim edildi.pic.twitter.com/u6GNPLTnyo
— Farkında (@FarkindaX) July 6, 2025
