Ish-mesfushori i Skënderbeut, Nazmi Gripshi po kalon një formë të shkëlqyr dhe vazhdon të jetë një nga emrat kryesorë të skuadrës së Astanës në Kazakistan, ku me paraqitjet e tij është kthyer shumë shpejt në një ndër idhujt e tifozerisë.
Mesfushori shqiptar shënoi një gol dhe dhuroi një asist në fitoren 0-2 që Astana arriti të merrte në transfertë përballë Zhetysu Taldykorgan, ndeshje e vlevfshme për javën e 15 të kampionatit në Kazakistan.
Nazmi Gripshi shënoi një gol mjaft të bukur në minutat shtes të fundit të pjesës së parë, pas një asisti nga Camara, duke bërë që ekipi i tij ta mbyllte fraksionin e parë të lojës në avantazh.
Ndërkohë, në minutën e ’60, Nazmi Gripshi dhuroi një asist për shokun e tij të ekipit Tomasov, por goli u anulua pas rishikimit në VAR.
Gjithsesi, 8 minuta më vonë ishte sërish Nazmi Gripshi, i cili dhuroi një tjetër asist, edhe më i bukur se i pari, për një tjetër ish të Skënderbeut, Geoffrey Chinedu, ku ky i fundit përballë portierit e dërgoi topin në rrjetë, duke e çuar dhe rezultatin përfundimtar në 2-0.
Ky ishte goli i tetë për Nazmi Gripshin në 15 javë kampionat, teksa ndodhet në vendin e parë në listën e goalëshënuesve, me të njëjtëb kuotë golash sa Dastan Satpaev i Kairat Almaty.
Po ashtu vlen të theksohet edhe fakti se Nazmi Gripshi me golin e sotëm gjen rrugën e rrjetës në katër ndeshje rrjesht, pasi shënoi edhe në fitoren 5-2 ndaj Okzhetpes, në fitoren 0-1 ndaj Aktobe, si dhe në barazimin 3-3 ndaj Kyzylzhar.
Astana aktulisht është në vendin e parë me 37 pikë, një më shumë se Kairat Almaty, ku duket se dy ekipet do të kenë një “luftë të ashpër” për titullin kampion deri në fund, pasi sezoni në Kazakistan zhvillohet mes marsit dhe nëntorit.
Nazmi Gripshi u transferua tek Astana një vit më parë, pas tre sezonesh të sukseshme me fanellën e Ballkanit, si në kampionat, po ashtu edhe në grupet e Ligës së Konferencës, teksa u shpall edhe lojtari i sezonit. Më herët ai ka veshur fanellën e Teutës dhe Skënderbeut në kampionatin shqiptar.
28-vjeçari ka qenë gjithmonë në listën e pritjes të trajnerit të kombëtares shqiptare Silvinho, por deri më tani nuk e ka marrë asnjherë një ftesë për tu grumbulluar me kombëtaren A të Shqipërisë, pasi është aktivizuar me ekipet e moshave deri tek Shpresat U-21.
VIDEO E GOLIT
View this post on Instagram
