Një 36-vjeçar dhe dy gra me shtetësi të huaj janë vënë në pranga në Tiranë, pas një kontrolli që zbuloi drogë dhe dyshime për veprimtari të jashtëligjshme.
Uniformat blu bëjnë me dije se në një ambient të përbashkët, u gjet një sasi e dyshuar kokainë në posedim të shtetasit V. K., ndërsa dy gratë, përkatësisht 33 dhe 22 vjeçe, dyshohet se ushtronin prostitucion.
Sipas të dhënave të para, burri rezulton të ketë qenë klient i dy vajzave të huaja, të cilat, sipas hetuesve, mund të kenë qenë të përfshira në rrjete të organizuara shfrytëzimi.
Të tre janë ndaluar për veprat penale “Prodhim dhe shitje narkotikësh” dhe “Prostitucion”, ndërsa hetimet vijojnë për të zbardhur rrethana të tjera të ngjarjes dhe për të identifikuar persona të tjerë të përfshirë.
