Një aksident ka ndodhur pasditen e sotme rreth orës 19:30, në rrugën “Dritan Hoxha” në vendin e quajtur “Semafori i Laprakës”.
6 automjete janë përfshirë në aksident, mes tyre një taksi , një autobus dhe një makinë policie.
Bëhet me dije se si pasojë e aksidentit, dy efektivët e policisë dhe shoferi i taksisë janë plagosur dhe ndodhen në spital.
“Rreth orës 19:30, në rrugën “Dritan Hoxha” në vendin e quajtur “Semafori i Laprakës”, janë përfshirë në përplasje 6 automjete.
Si pasojë e përplasjes janë dëmtuar drejtuesi dhe pasagjeri në automjetin e policisë shtetasit E. Gj dhe E. J si dhe drejtuesi i automjetit taksi shtetasi A. M, të cilët ndodhen në spital, jashtë rrezikut për jetën.”– njofton policia.
Grupi hetimor ndodhet në vendngjarje dhe po punon për përcaktimin e shkakut të aksidentit.
