Diplomati Agim Nesho, ka treguar se brenda një kohe të shkurtër, drejtues të lartë të Partisë Demokratike dhe opozitës shqiptare, do të raportojnë në nivelet më të larta të administratës së Trump në SHBA, për farsën elektorale të 11 majit dhe situatave të tjera të Shqipërisë.
Nesho ka folur dhe për shkrimin e tij të publikuar në FoxNews ‘Njihuni me Ramaduron …’ ku tregohet për Edi Ramën. Sipas tij, ky ishte një artikull që ka përkuar me interesat e Fox-it dhe është publikuar, duke vënë në alarm Edi Ramën dhe marionetat e tij.
“Unë zakonisht bëj një shkrim në muaj dhe e dërgoj për në mediat amerikane. Shkrimi i fundit ‘Njihuni me Ramaduron …’ përkoi me interesat e FoxNews, për arsye se këtu ka një sjellje të papërgjegjshme dhe duket, për mendimin tim, se Rama i ka tejkaluar jo vetëm vizat e kuqe, por është bërë tashmë një autokrat arrogant, i cili mund të shkojët deri në SHBA dhe të bëjë karshillëqe atje.
Ky ishte një mesazh i dyanshëm. Unë vura një pasqyrë të realitetit shqiptar. Kaq bëra, siç mund ta bëni ju më mirë me artin e të shkruarit, por dhe gazetarë të tjerë.
Unë mendoj që përputhen interesat e redaksisë së FoxNews dhe shkrimit tim. Me të drejtë lideri i opozitës, Sali Berisha u shpreh shumë mirë, edhe kur foli për Ramaduron, ku ka parë dhe ku shikohen mënyrat e bashkëpunimit të SHBA, sidomos atë që SHBA dhe kjo administratë ka insistuar gjithmonë; lidhjet me krimin e organizuar, me kartelet, pastrimit të parave gjë që e ka shqetësuar SHBA-të.
Ne kemi shumë procese që në SHBA po shikohen ato gjëra që regjimi i Ramës për të siguruar jetëgjatësinë e tij, është përpjekur, edhe me ndihmën e Soros, të influencës së ndryshme të burokratëve amerikanë, për të manipuluar proceset demokratike dhe funksionimin sidomos të opozitës në Shqipëri.
Të gjitha këto në SHBA kanë filluar të qartësohen.
Së shpejti do kemi dhe lajme të tjera, opozita do të jetë e barabartë të pyetet.
Do kemi lajme të tjera shumë institucionale.
Në parim, çështja e non gratës së Sali Berishës është pranuar që është diçka e gabuar dhe po shikohet vetëm mekanizmi burokratik për ta zhbllokuar.
Do të jetë një çështje kohe shumë e shkurtër. Edhe kjo ka pengesat sepse për ata që e kanë krijuar këtë gjë, kanë pasur interesat e tyre edhe financiare për Ballkanin.
Së dyti. Mendoj se ka ardhur koha dhe së shpejti opozita e PD-së do të jetë prezente në nivelet më të larta të administratës së SHBA-së për të raportuar, shpjeguar, duke njohur më nga afër të gjithë ato problematika që janë shtruar dhe evidentuar deri më tani nga OSBE-ODIHR, ashtu edhe nga informacionet e tjera që vijnë nga të gjitha institucionet e tjera.
Është një artikull opinion, unë kam shkruar mbi 30 artikuj për grupin e Fox, por më kanë botuar 11 në SHBA, edhe në interes të politikës së jashtme të tyre.
Por ky artikull ishte një artikull që tregon shkallën e reflektimit të ‘Ramaduros…’” u shpreh Agim Nesho në SYRI TV.
